【清酒名字可以好骑篱？非正式排行榜】
日本嘅清酒名好多都系有诗意又或者系好霸气，但系有时有啲名都会怪到日本人想问︰“点解要改个咁嘅名？”最近就有一个排行榜网站开左一个投票，俾网民拣选佢地觉得最骑篱嘅清酒名。
第一名 超ドS ( 意即“超级虐待狂”)
呢款清酒系由岐阜县飞驒市嘅渡边酒造店出品嘅纯米大吟酿。佢嘅特色系因为酒造店想只系用山田锦米种嘅心白嚟酿酒，而用左150个钟碾米。呢个名就系因为呢个碾米过程好似虐待啲酒米咁，所以就改左一个咁样嘅名啦。
图片来源：http://t.cn/EZcHom0
第二名 死神
呢款个名听落极唔吉利嘅清酒，系由岛根县邑南町嘅加茂福酒造出品嘅纯米酒。据闻改“死神”呢个名系因为当时流行淡丽辛口嘅清酒，但酒造反其道而行，出左呢只芳醇旨口嘅清酒。于是，相对于市面清酒多数有嘅吉利嘅名，酒造就改左呢个唔吉利嘅名啦。亦因为市面上唔多呢种名，所以似乎都令网民留下好深刻嘅印象，得到第二名。
图片来源：http://t.cn/EZc8NyC
第三名 夜の帝王 ( 夜之帝王 )
呢款清酒嘅名因为好似饮完就可以俾一众夜猫挨更抵夜咁，容易令人联想到能量饮品。夜之帝王系由广岛县竹原市嘅藤井酒造出品嘅特别纯米酒。虽然酒造并冇公开呢只清酒个名嘅由来，但系佢作为一款适合任何料理嘅清酒，都好符合“帝王”呢个名。
图片来源：http://t.cn/EZcEGqE
其他进入头十名嘅清酒包括︰
“不要只喝辛口的酒啊”系列
( 辛口ばっか饮んでんじゃねぇよ )
“甜的酒不是很好吗 毕竟这是生活艰苦的世界”系列
( 酒くらい甘くたっていいじゃない 世知辛い世の中だもの )
差劲的混蛋 ( 最低野郎 )
让女人哭泣吧 ( おんな泣かせ )
豊杯 莫希干女孩 ( 豊杯 モヒカン娘 )
“很会搭讪”系列 ( くどき上手 )
“我爱摇滚”系列 ( I ♥ Rock アイラブロック )
睇完咁多独特嘅清酒名之后，唔知大家又有冇谂到一啲有趣嘅清酒名呢？
