【清酒名字可以好騎籬?非正式排行榜】

日本嘅清酒名好多都係有詩意又或者係好霸氣,但係有時有啲名都會怪到日本人想問︰「點解要改個咁嘅名?」最近就有一個排行榜網站開左一個投票,俾網民揀選佢地覺得最騎籬嘅清酒名。

第一名 超ドS ( 意即「超級虐待狂」)

呢款清酒係由岐阜縣飛驒市嘅渡邊酒造店出品嘅純米大吟釀。佢嘅特色係因為酒造店想只係用山田錦米種嘅心白嚟釀酒,而用左150個鐘碾米。呢個名就係因為呢個碾米過程好似虐待啲酒米咁,所以就改左一個咁樣嘅名啦。

圖片來源:http://t.cn/EZcHom0

第二名 死神

呢款個名聽落極唔吉利嘅清酒,係由島根縣邑南町嘅加茂福酒造出品嘅純米酒。據聞改「死神」呢個名係因為當時流行淡麗辛口嘅清酒,但酒造反其道而行,出左呢隻芳醇旨口嘅清酒。於是,相對於市面清酒多數有嘅吉利嘅名,酒造就改左呢個唔吉利嘅名啦。亦因為市面上唔多呢種名,所以似乎都令網民留下好深刻嘅印象,得到第二名。

圖片來源:http://t.cn/EZc8NyC

第三名 夜の帝王 ( 夜之帝王 )

呢款清酒嘅名因為好似飲完就可以俾一眾夜貓捱更抵夜咁,容易令人聯想到能量飲品。夜之帝王係由廣島縣竹原市嘅藤井酒造出品嘅特別純米酒。雖然酒造並冇公開呢隻清酒個名嘅由來,但係佢作為一款適合任何料理嘅清酒,都好符合「帝王」呢個名。

圖片來源:http://t.cn/EZcEGqE

其他進入頭十名嘅清酒包括︰

「不要只喝辛口的酒啊」系列
( 辛口ばっか飲んでんじゃねぇよ )

「甜的酒不是很好嗎 畢竟這是生活艱苦的世界」系列
( 酒くらい甘くたっていいじゃない 世知辛い世の中だもの )

差勁的混蛋 ( 最低野郎 )

讓女人哭泣吧 ( おんな泣かせ )

豊盃 莫希干女孩 ( 豊盃 モヒカン娘 )

「很會搭訕」系列 ( くどき上手 )

「我愛搖滾」系列 ( I ♥ Rock アイラブロック )

睇完咁多獨特嘅清酒名之後,唔知大家又有冇諗到一啲有趣嘅清酒名呢?

Jenny K.

雖然自稱日本文化愛好者,但其實對日本文化又愛又恨。畢業於香港大學文學院,主修日文。興趣是去旅行和寫遊記,觀察當地文化。現時目標為去完全日本的一都一道二府四十三縣。

相關文章