【 收集酒藏足迹,记得带埋御酒印帐! 】

图片来源: https://www.goshu-pro.jp/

笔者作为钟意返乡下嘅其中一员,为咗记录低自己去过日本边度,就买咗一本日本近年兴起嘅御朱印帐,去旅行时顺便去日本人称为power spot嘅神社同寺庙储朱印。

原来而家都有一个叫“御酒印帐”( 日文读音都系御朱印帐 ) 嘅簿仔,可以俾一众清酒爱好者去酒藏参观嘅时候收集酒藏嘅标签 ( 或者印仔 )!

御酒印帐

图片来源: http://t.cn/EwEUJP3

作为日本清酒爱好者,去酒藏巡礼系指定动作。当你去“御酒印帐”计划中受认可嘅酒藏嘅时候,就可以获得酒藏嘅标签或者印仔。想记录低自己几时去过边度嘅酒藏,就一目了然啦。

印帐内页

直至2018年10月,共有67间遍布日本唔同地方嘅酒藏参加咗“御酒印帐”计划,数目仍然增加中。顺带一提,如果想查酒藏嘅位置,日本国税局嘅酒藏地图会好好用架!

酒藏地图

而家御酒印帐都可以喺网上购买喇!

Okinu Imprint Project :
https://goshu-pro.shop-pro.jp/

发表回复

请先登入以发布留言
  追踪  
接受通知
Jenny K.

虽然自称日本文化爱好者,但其实对日本文化又爱又恨。毕业于香港大学文学院,主修日文。兴趣是去旅行和写游记,观察当地文化。现时目标为去完全日本的一都一道二府四十三县。

相关文章