【 收集酒藏足跡,記得帶埋御酒印帳! 】

圖片來源: https://www.goshu-pro.jp/

筆者作為鐘意返鄉下嘅其中一員,為咗記錄低自己去過日本邊度,就買咗一本日本近年興起嘅御朱印帳,去旅行時順便去日本人稱為power spot嘅神社同寺廟儲朱印。

原來而家都有一個叫「御酒印帳」( 日文讀音都係御朱印帳 ) 嘅簿仔,可以俾一眾清酒愛好者去酒藏參觀嘅時候收集酒藏嘅標籤 ( 或者印仔 )!

御酒印帳

圖片來源: http://t.cn/EwEUJP3

作為日本清酒愛好者,去酒藏巡禮係指定動作。當你去「御酒印帳」計劃中受認可嘅酒藏嘅時候,就可以獲得酒藏嘅標籤或者印仔。想記錄低自己幾時去過邊度嘅酒藏,就一目了然啦。

印帳內頁

直至2018年10月,共有67間遍佈日本唔同地方嘅酒藏參加咗「御酒印帳」計劃,數目仍然增加中。順帶一提,如果想查酒藏嘅位置,日本國稅局嘅酒藏地圖會好好用架!

酒藏地圖

而家御酒印帳都可以喺網上購買喇!

Okinu Imprint Project :
https://goshu-pro.shop-pro.jp/

發表回覆

請先登入以發佈留言
  追蹤  
接受通知
Jenny K.

雖然自稱日本文化愛好者,但其實對日本文化又愛又恨。畢業於香港大學文學院,主修日文。興趣是去旅行和寫遊記,觀察當地文化。現時目標為去完全日本的一都一道二府四十三縣。

相關文章